Við köllum þennan „þjóðarrétt ITS“ og ekki að ástæðulausu því við eeeelskum bolognese. Svo einfaldur en góóóður!
ÞJÓÐARRÉTTUR ITS – BOLOGNESE
200 g spaghettí
10 g Avocado olía
400 g Bolognese sósa
½ teningur nautakraftur
300 g ungnautahakk
Lúka af ferskri basíliku
Ferskur parmesan
Klettasalat eftir smekk
Salt og pipar eftir smekk
Sjóðið vatn í stórum potti og setjið Avocado olíuna út í vatnið ásamt salti. Sjóðið spag-hettíið eftir leiðbeiningum á pakka. Steikið hakkið á pönnu og kryddið með salti og pipar eftir smekk. Hitið Bolognese sósuna í potti og setjið nautakraftinn út í. Hellið Bolognese sósunni út á pönnuna með hakkinu þegar hún hefur fengið að malla í smá stund. Bætið síðan Spaghettíinu út á pönnuna þegar það er tilbúið.
Þegar búið er að skammta á diskana er ferskum, rifnum parmesan dreift yfir ásamt basilíku og klettasalati.
Uppskriftin er fyrir tvo.
Í einum skammti eru:
78gr kolvetni
21gr fita
45gr prótein
Þessi uppskrift birtist í bókinni okkar, Betri útgáfan, hún fæst á netinu og í öllum betri bókaverslunum landsins.