Teymið

T

Ingi Torfi, stofnandi

Ingi Torfi (42 ára) er viðskiptafræðingur, löggiltur fasteignasali, markþjálfi og er að ljúka WAG Nutrition Coach Certification námi. Hann hefur talið macros í fimm ár og hefur auk þess mikla reynslu af íþróttum. Hann hefur meðal annars stundað og keppt í crossfit í 11 ár.

Linda Rakel, framkvæmdastjóri

Linda Rakel (32 ára) er viðskiptafræðingur og markþjálfi og hefur talið macros í 4 ár með góðum árangri. Mikill lærdómur og reynsla þar sem hefur skilað sér á þeim tíma. Hreyfing, heilsa og bætt líðan er það sem drífur hana áfram.

Kristín sif, þjálfari

Kristín Sif (37 ára) er útvarpskona, Crossfitþjálfari og boxari. Hún hefur talið macros í 3 ár og elskar að sjá árangurinn og jafnvægið sem kemur með því að fylgjast með mataræðinu og borða rétt. Kristín elskar allt snýr að bætingu og að hjálpa öðrum að bæta sig á líkama og sál. Hún reynir alltaf að sjá tækifæri og það góða í öllum aðstæðum. Hún er ljúft hörkutól sem hefur gaman að því að prufa nýja hluti.

Sandra maría, þjálfari

Sandra María (26 ára) er með B.S. í sálfræði og hefur talið macros með hléum, frá því í upphafi 2020 með góðum árangri. Það hefur helst hjálpað henni að taka næsta skref sem landsliðs- og atvinnukona í knattspyrnu. Hún náði meðal annars að komast í sitt besta líkamlega form og hefur aldrei verið með jafn stöðuga og góða andlega líðan. Sandra hugar vel að eigin þörfum og hefur komist að því að góð næring og að huga vel að líkama og sál sé draumablanda að árangri.

Inga þóra, þjálfari

Inga Þóra (37 ára) er íþróttafræðingur og íþróttakennari, með diplóma í einkaþjálfun og Crossfit þjálfara rettindi. Inga hefur talið macros síðan í október 2020, með góðum árangri líkamlega og andlega! Aukin orka, betri afköst á æfingum og léttari lund voru helstu ávinningar Ingu á macros. Hún hefur starfað við heilsugeirann í yfir 20 ár meðal annars sem Bootcamp, Crossfit og einkaþjálfari, auk þess að hafa keppt sjálf á Heimsleikum og Evrópuleikum i Crossfit. Inga brennur fyrir að hjálpa fólki að vera besta útgáfan af sjálfu sér.

Telma Fanney, þjálfari

Telma Fanney (28 ára) er með B.A. í lögfræði, einkaþjálfari og að ljúka diplómanámi á mastersstigi í jákvæðri sálfræði. Telma hefur talið macros síðan í september 2020 og má svo sannarlega segja að það hafi breytt lífi hennar til hins betra. Ávinningur Telmu af því að telja macros er m.a. heilbrigðara samband við mat, aukin og jafnari orka yfir daginn, betri afköst og árangur á æfingum og almennt meiri vellíðan.

Telma hefur brennandi áhuga á öllu því sem viðkemur hreyfingu, næringu og bættri heilsu líkamlegri sem andlegri.

Sólveig hulda, Þjálfari

Sólveig Hulda (31 árs) er með B.A. í ferðamálafræði, diplómu í viðburðastjórnun og er að ljúka námi í hóptímaþjálfun. Sólveig starfar sem þjálfari hjá Norður og hefur talið macros með hléum í 4 ár með góðum árangri. Lærdómur og reynsla hefur skilað sér í kjölfarið. Helsti ávinningur Sólveigar við að telja macros er aukin og jafnari orka yfir daginn, betri líðan og bætt sjálfsmynd. Sólveig hefur keppt tvisvar sinnum í fitness og hefur mikinn áhuga á líkamsrækt, crossfit og öllu sem snýr að hreyfingu, heilsu og næringu.

Aldís Marta, Ritari

Aldís Marta (28 ára) er grafískur hönnuður og verslunareigandi. Hún hefur talið macros síðan 2017 með hléum inn á milli. Það sem hefur skilað henni er meiri og jafnari orka yfir daginn, einnig betri og bætt andleg heilsa sem fylgir meiri orku.
Aldís hefur stundað íþróttir síðan hún man eftir sér með ágætis árangri og hefur það alltaf verið mikilvægur þáttur í hennar lífi.

NANNA LIND, ÞJÁLFARI

Nanna Lind (27 ára) er lögreglumaður og viðskiptafræðingur sem starfar sem rannsóknarlögreglumaður á Suðurnesjum ásamt því að stunda M.Sc nám í Stjórnun og stefnumótun. Hún stundar einnig Crossfit og útivist af miklum krafti og hefur talið macros í 3 ár með góðum árangri, bæði líkamlega og andlega. Helsti ávinningur Nönnu á macros var að upplifa mikilvægi jafnvægis hinnar heilögu þrennu: svefns, næringar og hreyfingar. Nanna leggur mikið upp úr því að leita nýrra leiða til að gleðja bragðlaukana og telur lífið of stutt fyrir endalaus boð og bönn.

Karfa